Անձնուրաց բժիշկը. Վարուժան Շահսուվարյան

Մռայլ ու հուզված տրամադրությամբ կինս ընդունվեց Ուռուցքաբանության ազգային ինստիտուտի ուրոլոգիայի բաժանմունք` միզապարկի բավականին մեծացած ուռուցքի վիրահատման համար:

Այդ չարագույժ հիվանդության բարդ վիրահատությունը կատարեց բաժանմունքի վարիչ, փորձառու մասնագետ, անվանի բժիշկ Վարուժան Շահսուվարյանը: Ախտորոշումը ծանր էր, պետք է հեռացվեր միզապարկը, արգանդը, ձվարանը, միզուկը և որդանման ելունը: 

Բժիշկ Շահսուվարյանը կոնսիլիում հրավիրեց և վիրահատությանը մասնակցեցին գինեկոլոգիայի բաժանմունքի վարիչ Գ. Ջիլավյանը, որովայնային բաժանմունքի վարիչ Գ. Համբարձումյանը, խորհրդատվությանը մասնակցեց նաև Միքայելյան ինստիտուտի ուրոլոգիայի բաժնի վարիչ, պրոֆեսոր, ակադեմիկոս Ի.Աղաջանյանը: Նշեմ նաև, որ վիրահատությունը կատարվեց պետպատվերի շրջանակներում: 

Վիրահատությունը հաջող անցավ, հիվանդը կարճ ժամանակում ապաքինվեց, իսկ մեզ պարուրած երախտագիտության զգացումն անսահման է:

Մեզ համար անգնահատելի է բժիշկ Շահսուվարյանի ո’չ միայն մասնագիտական հմտությունը, այլև մարդկային, հոգատար վերաբերմունքը: Շնորհակալությո’ւն Ձեզ, սիրելի բժիշկ: Միայն շնորհակալություն հայտնելը քիչ է, որովհետև հիվանդին կյանք պարգևելը հրաշք է: Եվ երբ հիվանդը վիրահատությունից առաջ ասում է. «Բժիշկ ջան, ես քեզ վստահում եմ», դա բժշկի համար ամենաբարձր գնահատականն է:  

Հարցեր, պատասխաններ, մեկնաբանություններ